يا اخي عجيب أمرها البلد دي!
بتلِم شُنَطَك عشان تغيب عنها شوية، تلاقي بيدور في عقل بالك كلام من نوعية:
"آهو الواحد يشم هوا نضيف"
"خلينا نرتاح من الزحمة شوية"
"نشوف لنا يومين بعيد عن الطوابير والخناق"
"آهو الواحد يغير خِلَق ويشوف وشوش حلوة"
وإلخ
بعدين ياخي يادوب أسبوعين في بلاد الأجانب، حيث النضافة والنغنغة والمناظر الحلوة والأكل والمرعى والنظام والحلاوة والترتيب والجمال، تلاقي نفسك مشغل السِت تغنّي "ألف ليلة وليلة" ومش فاكر من مصر غير المنظر من على كوبري الجامعة بالليل...
وريحة شيشة صاحبك جنبك وانتَ بتولَّع السيجارة الـ LM أزرق من صاحبك التاني مستنيين القهوة السرياقوسي تنزل...
وطعم الفول السخن بالزيت الحار وانتوا واقفين ع العربية، بتتريقوا على صاحبكم اللي مابيعرفش يغمّس مع إن بقالكم من ساعة ما عرفتوه بتعلموه يمسك اللقمة إزاي ويضربها في الصحن إزاي...
وبنت حلوة عِشرِتها تفتح النِفس بتستلف من صاحيك عشان تخرج معاها...
حتى المواصلات مابقيتش تفتكر لها غير الضحك والتنكيت مع صحابك وانتوا رايحين جايين في زحمتها.
كلام قديم ومُستَهلَك، بس حقيقي.
متهيألي هي دي لعنة الفراعنة:
إنك لما تعيش على أرضهم بعدهم تتعلق بالبلد دي رغم كل محاولاتك إنك تقطع ما يربطك بيها...
إنك تحب البلد دي، رغم إنك بتكره إنك حاببها!
بتلِم شُنَطَك عشان تغيب عنها شوية، تلاقي بيدور في عقل بالك كلام من نوعية:
"آهو الواحد يشم هوا نضيف"
"خلينا نرتاح من الزحمة شوية"
"نشوف لنا يومين بعيد عن الطوابير والخناق"
"آهو الواحد يغير خِلَق ويشوف وشوش حلوة"
وإلخ
بعدين ياخي يادوب أسبوعين في بلاد الأجانب، حيث النضافة والنغنغة والمناظر الحلوة والأكل والمرعى والنظام والحلاوة والترتيب والجمال، تلاقي نفسك مشغل السِت تغنّي "ألف ليلة وليلة" ومش فاكر من مصر غير المنظر من على كوبري الجامعة بالليل...
وريحة شيشة صاحبك جنبك وانتَ بتولَّع السيجارة الـ LM أزرق من صاحبك التاني مستنيين القهوة السرياقوسي تنزل...
وطعم الفول السخن بالزيت الحار وانتوا واقفين ع العربية، بتتريقوا على صاحبكم اللي مابيعرفش يغمّس مع إن بقالكم من ساعة ما عرفتوه بتعلموه يمسك اللقمة إزاي ويضربها في الصحن إزاي...
وبنت حلوة عِشرِتها تفتح النِفس بتستلف من صاحيك عشان تخرج معاها...
حتى المواصلات مابقيتش تفتكر لها غير الضحك والتنكيت مع صحابك وانتوا رايحين جايين في زحمتها.
كلام قديم ومُستَهلَك، بس حقيقي.
متهيألي هي دي لعنة الفراعنة:
إنك لما تعيش على أرضهم بعدهم تتعلق بالبلد دي رغم كل محاولاتك إنك تقطع ما يربطك بيها...
إنك تحب البلد دي، رغم إنك بتكره إنك حاببها!
0 التعليقات:
إرسال تعليق