سؤال ده جالنا من فترة على صفحة ريشة و قلم و هتاف:
"اخويا الصغير سألنى ايه ضرر العادة السرية فيما بعد معرفتش اجاوب عليه. ممكن الاجابة ؟"
وده الرد اللي كتبته له، قلت أنشره هنا كمان لعموم الإفادة:
العاادة السرية من وجهة النظر العلمية البحتة، هانقول فيها الآتي:
# على المستوى التشريحي، مافيش أي ضرر. كل الكلام بتاع الرُكَب بتبوظ والنظر بيضعف وحَب الشباب ده كلام فاضي مالوش أي أساس من الصحة. العادة السرية زيّها زيّ أي حاجة الإنسان بيعملها بأعضاء جسمه لها شكل طبيعي\إيجابي، وشكل سلبي.
# أغلب الآثار الجانبية السلبية لها بُعد نفسي أكتر:
1. اعتياد الراجل على إمتاع نفسه بنفسه بكثرة هايوصلّه لمرحلة إنه بيستجيب لنفسه أكتر ما بيستجيب لغيره، يعني لما يعمل علاقة مع شريكته بعد كده هاياخد وقت أطول ويحتاج منها إثارة أكتر عشان يوصل لنفس النتيجة اللي كان بيوصل لها مع نفسه في وقت وبمجهود أقل.
علاج الجزء ده مش بالامتناع عن العادة، إنما بتحقيق التناغم بين أطراف العلاقة، وإن الوقت الأكتر اللي الراجل محتاجه للوصول لإثارة مناسبة (بسبب اعتياده على إمتاع نفسه) يستفيد منه في التركيز على شريكته.
2. ارتباط العادة السرية بالإحساس بالذنب، بسبب تحريمها دينياً وذمّها مجتمعياً. الإحساس بالذنب الدفين ده ممكن يؤثر على المدى البعيد على ثقة الإنسان في نفسه واحترامه لذاته.
طبعاً دي علاجها مش بمنع العادة، إنما بتصحيح الصورة الذهنية عنها.
3. أخيراً، ممكن العادة توصل لحد "الإدمان" أو "عادة قهرية" compulsory habit، ودي الحالة لما ممارسة العادة السرية بتوصل لحد إنها تكون مؤثرة سلباً على ممارسة الإنسان لأنشطة والتزامات الحياة اليومية. مع العلم إن العادة القهرية دي بتبقى جزء من خلل نفسي أكبر، يعني المشكلة في العادة السرية ذات نفسها.
الكلام ده كله من وجهة نظر علمية بحتة. البُعد الديني والمجتمعي بينك وبين أخوك بقى.
-----------
أيوة، أنا اليومين دول باتكلم كتير في الجنس؛ ومش هافضل اتكلم طول ما باخبط في مفاهيم مغلوطة عنه في تعاملاتي اليومية.
"اخويا الصغير سألنى ايه ضرر العادة السرية فيما بعد معرفتش اجاوب عليه. ممكن الاجابة ؟"
وده الرد اللي كتبته له، قلت أنشره هنا كمان لعموم الإفادة:
العاادة السرية من وجهة النظر العلمية البحتة، هانقول فيها الآتي:
# على المستوى التشريحي، مافيش أي ضرر. كل الكلام بتاع الرُكَب بتبوظ والنظر بيضعف وحَب الشباب ده كلام فاضي مالوش أي أساس من الصحة. العادة السرية زيّها زيّ أي حاجة الإنسان بيعملها بأعضاء جسمه لها شكل طبيعي\إيجابي، وشكل سلبي.
# أغلب الآثار الجانبية السلبية لها بُعد نفسي أكتر:
1. اعتياد الراجل على إمتاع نفسه بنفسه بكثرة هايوصلّه لمرحلة إنه بيستجيب لنفسه أكتر ما بيستجيب لغيره، يعني لما يعمل علاقة مع شريكته بعد كده هاياخد وقت أطول ويحتاج منها إثارة أكتر عشان يوصل لنفس النتيجة اللي كان بيوصل لها مع نفسه في وقت وبمجهود أقل.
علاج الجزء ده مش بالامتناع عن العادة، إنما بتحقيق التناغم بين أطراف العلاقة، وإن الوقت الأكتر اللي الراجل محتاجه للوصول لإثارة مناسبة (بسبب اعتياده على إمتاع نفسه) يستفيد منه في التركيز على شريكته.
2. ارتباط العادة السرية بالإحساس بالذنب، بسبب تحريمها دينياً وذمّها مجتمعياً. الإحساس بالذنب الدفين ده ممكن يؤثر على المدى البعيد على ثقة الإنسان في نفسه واحترامه لذاته.
طبعاً دي علاجها مش بمنع العادة، إنما بتصحيح الصورة الذهنية عنها.
3. أخيراً، ممكن العادة توصل لحد "الإدمان" أو "عادة قهرية" compulsory habit، ودي الحالة لما ممارسة العادة السرية بتوصل لحد إنها تكون مؤثرة سلباً على ممارسة الإنسان لأنشطة والتزامات الحياة اليومية. مع العلم إن العادة القهرية دي بتبقى جزء من خلل نفسي أكبر، يعني المشكلة في العادة السرية ذات نفسها.
الكلام ده كله من وجهة نظر علمية بحتة. البُعد الديني والمجتمعي بينك وبين أخوك بقى.
-----------
أيوة، أنا اليومين دول باتكلم كتير في الجنس؛ ومش هافضل اتكلم طول ما باخبط في مفاهيم مغلوطة عنه في تعاملاتي اليومية.
0 التعليقات:
إرسال تعليق